धुडगूसः मराठी चित्रपट

चित्रपटः धुडगूस
निर्माता: सतिश मोरे, स्नेहा तांबे
दिग्दर्शकः राजेश देशपांडे
कलाकारः शांता तांबे, निर्मिती सावंत, रविंद्र बेर्डे, सुहास पळशीकर, शरद पोंक्षे.
पाहुणे कलाकारः भरत जाधव, संजय नार्वेकर

कथा: गावच्या एका अल्लड मुलीचे [सुरेखा] लग्न एका सैन्यातील मुलाशी [महादजी] होते. लग्नाच्या दुस-याच दिवशी तिच्या पतिला तातडीने परत बोलावणे येते. घरच्या गडबडीत त्या बिचारीचे नव-याबरोबर दोन शब्द बोलणे देखील होत नाही आणि तो सैन्यात परत जातो. काही दिवसातच तिच्या नव-याची शहिद झाल्याची बातमी येते आणि चित्रपटाच्या मुख्य कथानकाला सुरुवात होते. आमदार साहेव शहित महादजीच्या नावाने २५ लाख व काही एकर जमिन जाहिर करतात आणि मग सासर आणि माहेरच्या लोक या पैशासाठी कसे माणुसकी, नाती विसरतात याची ही कथा.

नात्यांची गळचेपी व गावचे राजकारण यांच्या खास मांडणीने चित्रपट खास बनलाय.

गोंद्या मारतय तंगडं - मराठी चित्रपट - २००८

निर्माता: सुशिलकुमार अग्रवाल
दिग्दर्शकः पितांबर काळे
कलाकारः भरत जाधव, रमेश भाटकर, मधु कांबीकर, जयराज नायक, निशा परुळेकर, प्रज्ञा जाधव

कथा: गोंद्या मारतय.... ही गोंद्या [भरत जाधव] या एका गोंधळलेल्या बिचा-याची कथा आहे. कुणीही काहीही काम सांगावं आणि गोंद्याने ते करावं असा हा हरकाम्या. धांदरटपणामुळे कोणतेच काम व्यवस्थित न करणारा व त्यामुळे त्याची आई त्याला स्मशानभुमीत - सरपण - जळाऊ लाकडांची - रात्रीची राखणदारी करण्याची नोकरी लाऊन देते.

पहिल्या तीन रात्री त्याला तीन भुतं भेटतात जी मुक्त होण्यासाठी भटकत असतात. त्यां प्रत्येकाची एक कहाणी असते आणि ते गोंद्याच्या मार्फत आपापली मुक्ती कशी मिळवतात त्याची ही कथा.